Xa comezaron os cinco itinerarios formativos do Proxecto Impulsa, centrados no sector das tecnoloxías e das comunicacións. Todos os itinerarios desenvolveranse, incluíndo a formación específica, transversal e as prácticas en empresas, neste último trimestre do ano.

O 20 de setembro comezaron os itinerarios de “Community Management”, con 12 participantes iniciais (5 mulleres e 7 homes), o de “Confección e Publicación de Páxinas Web”, con 11 participantes iniciais (6 mulleres e 5 homes) e o de “Xestión de marketing e comunicación”, con 11 participantes iniciais (7 mulleres e 4 homes) . Xa o 24 de setembro comezaron os outros dous itinerarios previstos: o de “Desenvolvemento de aplicacións con tecnoloxías web” con 13 participantes iniciais (1 muller e 12 homes) e o de “Manexo profesional de drons, montaxe e mantemento, con especialización no seu uso para o sector audiovisual”, con 17 participantes iniciais (4 mulleres e 13 homes).

Todo alumnado está conformado por persoas desempregadas e menores de trinta anos. Son en total 64 participantes iniciais, 23 mulleres e 41 homes.